(+994) (050) 642 4103

SAT

https://unsplash.com/@dsmacinnes

SAT (Scholastic Aptitude Test). ABŞ və Kanadanın ali təhsil ocaqlarında, eləcə də Avropanın bir çox universitetlərində təhsil almaq qərarına gələn abituriyent və tələbələrin bu imtahanı verməsi zəruridir.
SAT (Scholastic Aptitude Test) Amerikada bakalavr təhsili almaq istəyən şəxslər üçün hazırlanmış bir test sistemidir. Daha sonra isə Avropa ölkələri, Şərqi Asiya və Türkiyənin prestijli dövlət universitetləri də SAT (Scholastic Aptitude Test) imtahan nəticəsi ilə tələbə qəbulunu həyata keçirməyə başlamışdır.
SAT imtahanı iki qrupa ayrılır:

  1.  SAT  I –  Reasoning Test
  2.  SAT II – Subject Test

SAT  I –  Reasoning Test Bu imtahan 3 hissədən ibarətdir və hər bir hissə 200- 800 arası ballarla qiymətləndirilir.

  • "Math" - Riyaziyyat ( Cəbr və Həndəsə ) tapşırıqlarının yerinə yetirilməsi
  • "Critical Reading"- İngiliscə verilən mətnləri oxuyaraq test tapşırıqlarının həll edilməsi
  • "Writing" - Verilən başlıqlara uyğun inşa yazılması

İmtahan  müddəti 3 saat 45 dəqiqədir. Sertifikatın etibarlılıq müddəti 5 il, Türkiyədə təhsil almaq istəyənlər üçün  isə 2 ildir. SAT imtahanına hazırlaşmaq istəyən tələbələrin ingilis dili səviyyəsi intermediate olmalıdır. 
SAT II – Subject Test  Bu imtahan əsasən seçmə sullardan tərtib olunur, tələbənin seçdiyi fənn üzrə akademik biliyinin yoxlanması üçün nəzərdə tutulmuşdur. İmtahan müddəti 1 saatdır. Suallar 200-800 bal arasında qiymətləndirilir.
SAT II – Subject Testdə aşağıdakı fənlər üzrə imtahan verməyiniz mümkündür:  

  • İngilis dili
  • Tarix
  • Biologiya
  • Kimya
  • Fizika
  • Fransız dili
  • Alman dili
  • İspan dili
  • İtalyan dili
  • Latın dili
  • Yapon dili
  • Çin dili
  •  

    SAT II imtahanı zamanı fənn seçməzdən əvvəl sənəd verəcəyiniz universitetin tələblərini nəzərə almağınız lazımdır.  Son zamanlar Azərbaycanlılar üçün önəmli olan Türkiyə universitetləri də YÖS imtahanını ləğv edərək SAT imtahanı tələb edirlər. Belə ki, yaxşı Türkiyə universitetlərinə qəbul olmaq üçün SAT və bununla bərabər TOEFL imtahanı vermək tələb olunur. Bu daha çox ingilis dilli proqramlara aid olur. Bununla yanaşı, proqram Türk dilində olarsa, o zaman TÖMER və ya ALES imtahanı verməlisiniz. Əks halda bakalavr dərəcəsinə başlamazdan əvvəl bir il türk və ya ingilis dilini oxumaq lazımdır.